احسبنا ويا لتحبهم مره عدنه
مطرنه شوك لجلك مرعدنه
لون طيفك لفانه مره عدنه
نطش لعيون لجلك واهليه


جسمي عود من بعدج .. صفا بس
درحميني ردت وصلج .. صفا بس
اموت وانتِ صدكَيني .. { صـفــا } بس
تلمسيني ترد روحي اليه ... اهداء الى الحبيبه من طرف واحد


عيوونك كلبحر ياخلي واصفى
صدكني بسيرتك ارتاح واصفى
تدري شوفتك للمعلول وصفة
ياخذ كل وكت بوسة قوية

دموعي بليل فكد الولف هلت
ومصايب هلزمن بس بية هلت
افراح العيد يم الناس هلت
وانا عيدي حزين ويبجي علية


ليلة فراكك عسى الرحمن لاهلها
ودموع العين لجلك لهلها
خلان الخلك ردت لهلها
وانا خلي بعيد ومايمر بية


فجاة تملكني الضعف والوهن والياس
وتناثر من ايدي الورد والياس
نخيت الي بلنجف ونخيت خضر الياس
بلكي يعود الولف ويرد الالم بية



ارد اشرد الديرة مهجورة وطرة
ويدرب الحب بعد ما امشيلة وطرة
كتلك خل نلعب كتبة وطرة
وبكل غلبة الك بوسة هدية


القلـــب ماشـــــال أي واحــد وشالــج
او حبيبتي ياهو الوشه بأذانج وشالج
لبســـج يخلـــق اعصابــــي وشـــالج
ابشمرته انشمر كلي عليه


شفت الزمن يضحك من سروره
او قلبي اعلن عليك من سروره
انه طبع الفرح جاني من سروره
لأن أنتي الفرح بلنسبه ليه



بستك اني من عيونك ومرة شفتك
ويا غيري ياحبيبي مرة شفتك
انا عطشان ويالغالي ومن رشفتك
احس انهار صارت بين ايديا

شفت نجمة بسواد الليل تلعب
ونفسي من تضوك الزاد تلعب
جن طوبة وبنص الكول تلعب
وانا ولا حارس ما يسأل علية

حبــيبي حياتي من بعدك عـــذاب
وكلــبي من غـــرامك فص ملح وذاب
ولأجلك غنت ام كلثوم حيــاتي عـــذاب
يمتى تحن وترجع ألـــية ......


ارجو ان تنال اعجابكم