اتهجى باسمك كمت
ومن ياحرف ابدي حرت
صح اسم واحد عندك
بس مية اسم لاجلك كلت
تذكرتك يالحبيب وبلا دمع عيني بجت
وتذكرت ايامك واشون من تضحك جنت
كلشي بية مشتاكلك حتى من الشوك
جسد بلا روح اصبحت
لاجلك ياما ضحيت وياما اصبرت
وكلبي شاف لوعات ومافد يوم عيني شكت
نسيت النوم والاحلام ودموعي على خدي جرت
نهر احزان انة بغيابك وجروحي للعالم حجت
احجي وية روحي بيك ولساني ولا لحظة سكت
اريد انساك بس اشلون؟اذا منحوت بكلبي نحت
كل ليلة وشوكي يزيد واترجى حنينك صرت
لك ياهو الغيرك عني وليش عني ابعدت
مانمت من راحتي علمود اشوفك نمت
ثاري حبك حلم ومن الحلم اكعدت

روعـــــــــــــــــــــــــة عاشت الايادي