توكع ياوطن وتشيلك العين


بعد ليل المساهر ماسهر ليـــــــــل
من سمه لحن عزف الزناجــــــيل
وصرف ضلت تذاكر طرب ممـــطور
وبعد يوجع اثر صوت البساطـــــيل
عصافير النواسي شالة من الخوف
ماردت بعد ضلت عله رحــــــــيل
والسعدون سافر شمرته الريــــــح
وهذا الي رجع مو تمثاله تمثيــــــل
وفاركت خندق دمعنا الامنيـــــــــــات
عمي زين نمشي وبينه حيـــــــــــــل
..........
توكع ياوطن وتشيلك العـــــيـــــن
واطرز بالورد طولك رياحــــــــين
بيمانك مسلح خوفك منــــــــــيـــن؟
ونزيف جروحك يحني السجانـــين
النخل واكف يموت مارجب ريـــح
ويستحي من تخزره عيون تشرين
لاتعتب ع السكف من يجي الــــيل
شنو ذنب السكف مامش حياطـين